របៀប Jailbreak iOS 10/ 10.1.1 នៅ​លើ iPhone 6s, iPhone 7 និង iPad Pro

វាហាក់បីដូចជា​លឿន ហួស​ពី​ការរំពឹក ទុក​បន្តិច​ហើយ ព្រោះ​អី​ទើប​តែ​លេច​លឺ ដំណឹង​ថា​មាន​សង្ឃឹម អាច Jailbreak បាន​ប៉ុន្មានថ្ងៃប៉ុណ្ណោះ តែថ្ងៃនេះ គឺមានចេញជាកម្មវិធី Jailbreak ហើយ។ មុន​នឹង​ឈាន​ចូល​ទៅ​ដល់ វិធីនៃការ Jailbreak ខេមបូរីផតសូមធ្វើការ​ក្រើនរំលឹក ម្តងហើយម្តងទៀតថា វិធី​នេះ​គឺ​មិន​ល្អសម្រាប់អ្នក ប្រើប្រាស់ទូទៅឡើយ ព្រោះអីវានៅមិនទាន់ពេញលេញ ហើយយើងក៏នៅមិនទាន់ អាចប្រើប្រាស់ ជាមួយ Tweak  បានច្រើន នៅឡើយដែរ។ ក៏ប៉ុន្តែប្រសិនបើអ្នក នៅតែចង់តេស្ត​សាក​មើល និងហ៊ានទទួលខុសត្រូវ ចំពោះបញ្ហានានា ដែលអាចកើតឡើងនោះ តោះធ្វើការ តាមដាន អំពី​របៀប Jailbreak iOS 10/ 10.1.1 ជាមួយយើងទាំងអស់គ្នា។

ឧបករណ៍ដែលអាច Jailbreak បាន

iPhone 6s, 6s Plus និង iPad Pro ដែលដំណើរការ ចាប់ពី iOS 10.0.1 ដល់ 10.1.1
iPhone 7 និង 7 Plus ដែលដំណើរការដោយ iOS 10.1 រឺ 1.1
តម្រូវការ

កុំព្យុទ័រ Windows រឺ Mac
កម្មវិធី Yalu ដែលអ្នកអាចទាញបានពីទីនេះ រួចហើយ Extract វាចេញទុកលើ Desktop https://mega.nz/#!PxEAwYpQ!rCJ3qFQk9_YrvigdQtDQv-Hi4htuVtwWCfwDtmllrwM
កម្មវិធី​ Cydia Impactor សម្រាប់ប្រើ លើកុំព្យូទ័រ Windows រឺ Mac រឺ Linux ចុចទីនេះ
មានគណនី Apple ID របស់ខ្លួនអ្នកមួយ
មានតម្លើងកម្មវិធី iTunes
មានភាពអត់ធ្មត់បន្តិច
ជំហ៊ានក្នុងការ Jailbreak

ដោត iPhone/ iPad របស់អ្នកទៅកាន់ កុំព្យូទ័រតាមរយៈ ខ្សែ USB
បើកកម្មវិធី iTunes ឡើង ហើយធ្វើការចុច Back up ឯកសារយើងទុកសិន ចៀសវាង មាន បញ្ហា អី ពេល Jailbreak គឺអាចទាញយកឯកសារមកវិញបាន។
បិទ Passcode និង Touch ID សិន នៅកន្លែង Setting > Touch ID & Passcode
ចូលទៅ Setting > iCloud > Find My iPhone ហើយចុច បិទសិន
នៅលើកុំព្យូទ័ររបស់អ្នក សូមបើកកម្មវិធី Cydia Impactor ដែលអ្នកបានទាញយកហើយ

អូសយកកម្មវិធី Yalu មកទំលាក់ចូលក្រឡោន កម្មវិធី​ Cydia Impactor
វានឹងទាមទារអោយអ្នក វាយបញ្ជូល គណនី Apple ID និង លេខសំងាត់របស់អ្នក ហើយ​សូម​វាយ​បំពេញចូលអោយបាន ត្រឹមត្រូវ
រង់ចាំមួយភ្លែតអោយវាតម្លើងសិន ហើយនៅពេល ដែលជោគជ័យ​សូមដោះខ្សែ USB ចេញពី កុំព្យូទ័រ រួចចូលទៅ Setting > General > Device management > ចុចលើសញ្ញា Developer App ហើយចុច Trust វា

អ្នកនឹងឃើញកម្មវិធីឈ្មោះ Mach Portal លោតឡើងលើអេក្រង់។ ចុចបើកវា រួចរង់ចាំ​ប៉ុន្មានវិនាទី នោះអ្នកនឹងឃើញ កម្មវិធី ​Cydia លោតនៅលើផ្ទៃអេក្រង់ជាក់ជាមិនខាន។
ឥលូវនេះអ្នកអាច ធ្វើការ Jailbreak បានដោយជោគជ័យហើយ។ ក៏ប៉ុន្តែសូមបញ្ជាក់ឡើងវិញ ផងដែរ​ថា នេះគ្រាន់តែជាការ Jailbreak ប្រភេទ ពាក់កណ្តាលប៉ុណ្ណោះ​មិនពេញលេញឡើយ។ ពោល​រៀង​រាល់​ពេល អ្នកបិទបើកទូរស័ព្ទ អ្នកត្រូវធ្វើតាម ជំហ៊ានលេខ 9 សារថ្មី ទើប Cydia អាចប្រើប្រាស់បន្ត បាន​ទៀត។ មួយវិញទៀត ដោយសារតែ យើងប្រើគណនី Apple ID ធម្មតានោះ រៀងរាល់រយៈពេល 7 ថ្ងៃ អ្នក​ត្រូវ​ធ្វើការ Jailbreak សារថ្មី ចាប់ពីជំហ៊ាន ទីប្រាំមកវិញ។ លើសពីនេះទៀត បច្ចុប្បន្ន នៅមិនទាន់​មាន Tweak អាចប្រើជាមួយវា បានច្រើនឡើយ ហេតុដូច្នេះហើយ ប្រសិនបើអ្នក Jailbreak បា​ន​ជោគជ័យ​ហើយ សូមប្រើប្រាស់ ដោយភាព ប្រុងប្រយ័ត្នដូចគ្នា។

ដូចយើងបានបញ្ជាក់ប្រាប់ហើយថា បើសិនមិនចាំបាច់ទេ សូមកុំទាន់ Jailbreak នៅពេលនេះអី។ អ្នក​អាច​​រង់ចាំដំណឹងល្អ ទៀតសិនថា តើវាមានសុវត្ថិភាព ក្នុងការ Jailbreak និងមានស្ថេរភាព រឺនៅ ចាំ​ធ្វើ​ការ Jailbreak។ កម្មវិធី Jailbreak ដែលគេចេញ អោយ​ប្រើ នៅ​ថ្ងៃនេះ គឺគ្រាន់តែជា កម្មវិធី ទាន់​ហន់​មួយ​ប៉ុណ្ណោះ ហើយវាអាចមានកំហុសឆ្គង គ្រប់ពេលវេលាទាំងអស់។ តែបើអ្នកនៅតែចង់ Jailbreak នៅ​ពេល​នេះនោះ យើងក៏សូមជូនពរ អោយធ្វើបានដោយជោគជ័យ មិនមានបញ្ហាដែរ។

អត្ថបទ៖​ http://cambo-report.com/general-knowledge/post/55525